Barcelona e ka të qartë se do të ketë shumë pak hapësirë ​​për manovrim në merkaton e transferimeve të verës së ardhshme, ndaj “blaugranat” po planifikojnë disa transferime falas. Mes shumë lojtarëve në skadencë është edhe N’Golo Kanté, një nga lojtarët më të vlerësuar nga bordi drejtues, zona sportive dhe stafi teknik, pavarësisht dëmtimeve të sezoneve të fundit, që e detyruan të humbasë edhe Botërorin.

Ai është një lojtar ekspert dhe sipas “Sport.es” negociatat jaë në fazë të avancuar, madje francezi thuhet se ka kërkuar një parakontratë në janar për të planifikuar të ardhmen e tij së bashku me familjen.

Negociatat u drejtuan drejtpërdrejt nga drejtori sportiv, Mateu Alemany, i cili studioi alternativa të ndryshme mes lojtarëve të lirë. Në rastin e Kante, bisedat kanë qenë pozitive, ndonëse Barça nuk ka vendosur ende për ta kryer lëvizjen./SS/